لا تهمليها وتقولي زوجي ما يهتم فيني ؟؟

عزيزاتي الغاليات 
"
"
فيه شريحة مو بسيطة من النسوان .. تقول :
زوجي مطنشني وما يهتم فيني ودايم برا البيت ؟؟؟؟
"
"
طيب 
ما عرفتي السبب ؟؟؟
"
"
بقولك بعض الأشياء اللي تهمل فيها الوحده ومو حاسه .. أو حاسه لكن مطنشه ..
"
"
ويااااااااارب ما تكون أي وحده منكن تسوي هالأشياء .
"
"
بداااااااااية :
"
بعض الزوجات الله يهديها ما تهتم أبدا بتسريح شعرها خاصة الصباح 
يعني أبو الشباب اذا صحى يلاقي جنبه وحده مو زوجته (؟؟؟)
تصلح له قهوته ، فطوره ، وتجلس قدامه وكأنه طالعة من حفرة أو طايح عليها جدار .. 
"
وبعضهن تصرخ على ولدها أو على الشغالة وترفع صوتها (بحضور زوجها)وما لاحظت ان الزوج
يكرررررررررررررررررررررررره الزوجه المسترجله بصوتها ..
"
وبعضهن ما تتزين ولا تكحل ولا تلبس ذهبها واكسسوارها وتسشور شعرها أو تعمل له تسريحات الا اذا هي طالعة زيارة ؟؟؟؟؟
"
وبعضهن لما تبغى تصحي زوجها تنادي عليه بباب الغرفة ( أبو فلان ) اصحى تأخرت ؟؟؟؟
"
وبعضهن ما تصبح عليه بالخير مع بوسه ، ولا تمسيه بخير ؟؟
"
وبعضهن ما تبالي اذا زوجها دخل البيت وهي مشغوله بشي بين يديها ؟؟؟
"
وبعضهن ما يشم منها العطور الا نااااادرا اذا صار بالها رايق ؟؟؟
"
وبعضهن ما تهتم بريحتها ولبسها وأناقتها اذا كان معاها ( العذر الشهري الشرعي )؟؟؟
"
وبعضهن ما تهتم اذا رجع زوجها من دوامه وريحة البيت هي هي قبل ما يطلع الصباح ؟؟؟
"
وبعضهن مهمله لبس عيالها و نظافتهم وريحتهم .. يرجع أبوهم يلاقيهم ببجامات النوم و يلاقيها هي بقميييييييييييييييييص بارد ؟؟؟
"
وبعضهن لما تقدم لزوجها الوجبة تلاقيها حاطه سفرة من النوع الخفيف اللي يطير على الأكل وتجدع الملاعق والشوك والسكاكين عشان تمسك فيها أطراف السفرة ؟؟ وتجيب الأكل بقدورة ؟؟؟؟؟
"
وبعضهن لما تبغى من زوجها يطلع فيها أو تتبادل زيارة مع جيران أو غيرهم ( وزوجها رفض )
تقوم تتحلطم وتتأفف وتجيب له الشي بشين نفس ؟؟؟
"
وبعضهن لما ينسى يعطيها المصروف أو عطاها وما كفاها تروح تتدين وتثقل على نفسها الحمل عشان مظاهر قدام الناس ( ما سوو تسويه )؟؟؟
"
وبعضهن يدخل زوجها البيت ويلاقي حامل الكواية وبعض الملابس بالصالة ، وأكواب طايحة بالأرض وأطباق ضيعت طريقها للمطبخ و .. و .. الخ ؟؟؟؟
"
وبعضهن ما يهمهن صليت ياأبو فلان أو تأخرت على الصلاة .. لا يهمها تأخرنا على السوق و الزواج والمشوار الفلاني ؟؟؟
"
وبعضهن لما تكون عندها مناسبة زواج تمرمط زوجها عشان تحصل لبس ما شافته الناس ؟؟؟
"
وبعضهن لما تكلم بالتيلفون تهلي و ترحب وتتضاحك وتمزح ( والزوج يسمع ويتحسر عشان عمره ما سمع هالكلام ينقال له ) ؟؟؟
"
وبعضهن ترد على أي اتصال يجيها (بحضرة زوجها ) أو تجلس على النت أو عند التلفزيون وهو حاضر؟؟؟؟؟
"
وبعضهن يدخل زوجها يتحمم ويطلع وهي لا جهزت له مناشفه وعطره ولا عرضت عليه أي مساعدة يمكن انها تبادره فيها ؟؟؟؟
"
وبعضهن ما تبالي ولا تهتم ولا عندها أي اشكاليه لو زادت الافرازات عندها .. بدون ما تشخص وتعالج ؟؟ وطايحة بالسهر والحلى والمشروبات الغازية والأكل من برا وما تدري ان كلها تسبب هالأشياء ؟؟؟
"
وبعضهن ما توقف عند زوجها وهو يبدل ملابسه تأخذ منه التغييره ، وتمد له الجديدة ؟؟؟
"
وبعضهن ما يطق براسه تعمل مساااااج لرأس زوجها و رجليه و ظهره لما يجي من العمل تعبان وطفشان؟؟؟
"
وبعضهن من يدخل الزوج وهي تتشكى من أولاده وتتذمر من تصرفاتهم ؟؟؟
"
وبعضهن ما تحس أنه الزوج يبغى الهدوءءءءءءءءءء دايما لما يكون نايم أو يقرأ أو يطالع ؟؟
"
وبعضهن مايجي ببالها إن زوجها لما يكون على النت أو يحضر أو مشغول بأوراق بين يديه ، يشتاق لبوسه على رأسه ، أو مبادرة بكوب شاي أو عصير أو ماء بدون أي كلمة ؟؟؟؟
"
وبعضهن تمدح فلان من الناس وعلان .. وكأن زوجها اللي قدامها مو رجل ؟؟ ومو مالي عينها ؟؟؟
"
وبعضهن تتحسر قدام زوجها على حظها اللي رماها بين يديه ، وكأنه ما سوا لها خير قط ؟؟؟
"
وبعضهن تقارن بين عيشة فلانه وعلانه وبين العيشة اللي عايشتها وكأنه منومها على اسفلت الشارع ومأكلها من المزابل ؟؟؟؟
"
وبعضهن تلاقيها تتكلم مع زوجها وهي حاده النظر فيه والعلكه رايحه جايه بفمها وكأنها تتكلم مع واحد من الشارع ؟؟؟؟
"
وبعضهن تهمللللللللللللللللللللللللللللل تفريش أسنانها ، وما تداوم على التشييك عليها من وقت لثاني 
الا اذا بغت تطلع زيارة أو علق بضرسها شيء أو بدا ينخر السوس فيها ؟؟؟؟
"
وبعضهن ما تفاجيء زوجها بحركة أو لبس أو رسالة أو اتصال يدخل الفرحة والشوق لقلبه ؟؟؟
"
بعضهن و يااااااااااااااااااكثرهن تقول : أنا جالسه ومحتسبة الأجر في خدمته .. وهي تتكلم عنه بكل مجلس وتتشكى من تصرفاته عند اللي يسوى و اللي ما يسوى ؟؟؟؟؟
"
وبعضهن .. قنبلة موقوته من يدخل زوجها البيت وهي بالعه لها مسجل : وينك؟ وين رحت؟ من شفت؟
وش قلت ؟ ليه تأخرت ؟؟؟؟؟؟؟؟؟؟؟؟؟؟؟
"
وبعضهن يتزوجها ويموت زوجها وهي ما غيرت بترتيب أثاث البيت ولا جددت في ديكوره ؟؟؟؟
"
"
نصيييييييييييييييييييحة من أخت لك ناصحة 
"
الزوج ماتهمه الماركة ولا الغالي ولا الفلوس 

الزوج تهمه النظافة واللباقة والترتيب والاحترام والهدوء ..
يهمه يدخل جنه ويطلع من جنه 
يهمه محافظتك على قوامك ، وجاذبيتك ،و أنوثتك 
يهمه الداخل قبل الخارج 
يهمه ان الاهتمام الأول و الأخير 
له هو و لأولاده و لأهله ...
"
صدقيني لو حافظتي على هالأشياء البسيطة وداومتي على هالمبادرات اللي ماراح تكلفك شيء 
راح تكوني عروسته وحوريته وحبيبته طووووووووول العمر .
"
"
جربي وراح تشوفي النتيجة 
و أرجوووووك لا تقولي :
كبرنا ومضى العمر 
لا ..
نكبر ويكبر حبنا و اهتمامنا 
ولو نقد عليك بأي تصرف من هالأشياء .. لا توقفي .. استمري ..
ولا تقولي زوجي جاف و جلد وما ينفع معه شيء ؟
مره بعد مره بتملكيه ، ويبدأ هو يبادلك هالشعور ..
"
"