مرحبا....
شلونكم بنات..؟؟ جبت اليوم لكم قصة وهذي الثانية...
سماعنا للقصص.. تعطينا الحذر من اخطاء اصحاب القصه والاستفادة من تجاربهم الزينة والشينة..
صديقتي .. درسنا مع بعض بالجامعة وعقبها افترقنا وكل وحده راحت بحياتها بس متواصلين لين الحين ولله الحمد.. .. تنحط على الجرح يبـــرى.. كريمة عاقله فاهمه سنعه ربة بيت بكل ماتحمله الكلمة من معنى وملتزمة وحافظة كتاب ربي (الفال لي يااارب قولوا امين).. وهي اللي شايله بيتهم ابوها وامها وخوانها وخواتها.. صارت لهم الرجال اللي فقدوه... وكان كل وقتي معاها بالجامعة وكل يوم نجيب قهوتنا انا وهي والفواله ونقعد بالحديقة ونتقهوى ونتريق مع بعض.. مع ان تخصصاتنا غير الثاني هي دراسات اسلامية.. المهم واجد سوالف كانت تدور بيننا على مدى 4 سنين ( فترة الدراسه)
قالت لي قصة ولد عمهاا فهد تقول لي هذي خيرة عيال عمي كلهم.. كلهم ماعليهم قصووور بس فهد غير عنهم كلهم.. كان من المسجد الين الدوام الين مجلسه.. ماكان راعي اسواق ولا سفرااات الا بالصيف مع هله.. تقول لي ان جدها مسك فهد وخيره بين بنات عمامه.. وقال اختار اللي تبيها وانا بزوجك اياها..
فهد اكبر واحد من العيال.. وهالكلاام كان عمره 25 ... قال ابي نورة بنت عمي سعود... مع ان اكبر منها 3 بس اختارها عليهم لانه يحبهاا .. مع ان اكبر ثنتين من البنات احلى منهاااا.. بس هو اختارها هي..
المهم تزوجوا وحملت وجابت له ولد.. وحملت بالثاني .. وكانت صديقتها الروح بالروح بنت خالتها ريم من كانوا صغااااار وهم مع بعض.. وريم ماتزوجت بعد.. وفهد عارف ان صديقة زوجته هي بنت خالتهاا ريم .. وريم تصير لفهد ابوها ولد عم ابو فهد..
نورة تحب فهد موووووت وهو نفسهااااا.. تقول بنت عمه ان فهد كل سنه كان يسفرهااا والهدايا بكل مناسبة حملها - ولادتها ميلادها بالاعياد برمضان..
وهي بعد...تموت عليه..
قالت نروة حق ريم بنت خالتها .. ابيج تكلمين فهد وتشوفين هو بيسايرج..و الا لا..
قالت لها ريم انتي خبله..؟؟ انتي عارفته انه ماعنده اسرار عنج.. من البيت لين الدوام.. وربع يجونه بمجلسه وماعنده سفرات مع حد غيرج انتي او اهله.. انتي غبيه..؟؟
قالت لها نورة اعرف ان ماعنده غيري بس بشووف هو بيمشي معاج او لااا..؟؟ وبعد الحاح من نورة اتصلت ريم ع فهد وسايرهااا... وبعد كم 3 اسابيع بدى يتعلق فيهاا وطلب منها يشووفها بمكان عام.. عاد ريم يوم شافت الموضوع قلب جد وحست ان دورها انتهى سكرت بوجهه وماعاد ردت عليه.. ونورة تعرف باللي يصير كله.. الا الشووفه.. ريم خافت انها تمشكلهم وقالت لنورة انا خلاص ماعاد ابي اكمل اللعبه هذي انتي منتي بصاحيه وسويت اللي تبينه.. اتصل فهد ع ريم وماترد كللللش.. هالكلام الصبح.. ويوم جا العصر مات من القهر فهد.. ماترد عليه وهو مولع ناار لانه بدى يتعلق فيهاااا (( عشان تعرفون يابلقيسيات ان النعومة بالصووت تبهدل الرجال .. هذي رساله لكل وحده صوتها عالي او اذا عصبت ع العيال او حد قامت تصااارخ.. هي بهالشي قاعده تهزأ انوثتها وهي خبر خير.. والرجال ماينلام لو طلعت له وحده صوتها ودلعها يتضيّع علومه!!))
جا العصر وراح لواحد من ربعه بالاتصالات وسأل عن الرقم منهو بإسمه.. وكانت الفاجعـــه لفهـد!!! طلع بإسم زوج خالة نورة.... يعني عرف انها ريم!!! انصدم وانجلط وانقهر و وقف مخه عن التفكير بأي شي...
مجموعة مشاعر لعبت به ولعبت باعصابه.. شعور انه تعلق بصوتها وسوالفهااا وشعور انها بنت خالة زوجته وصديقتها الحميمة واقرب انسانه لها... وشعور انه مكلم وحده من اهلهاا وهالشي نزل رجولته القااااع لان الرجال اللي فيه خير مايسوي كذا مع بنت الغريب شلون قريبته!!
ومليون سؤال وسؤال جا براسه.. هل ريم خاينه نورة ونورة مغشوشه بهااا.. او هل نورة دازتهااا عليه عشان تجيس نبضه.. هل هو بيخونها او لا.. شوي وبينفجر راسه من التفكيــــر ..
الين الفجر نام بالمجلس اول مرة يسويها من يوم تزوج نورة ...
ليله كله يفكر ويفكر ونفسيته بالقاااع.. بس بالنهايه استقر على شي وراح يسويه...
راح لبيت ريم ولد عم ابووه.. وتهقووون وش قاااال؟؟؟!!!!
كلم ابوووها وقال له يابوناصر انا جايك اخطب ريم ابي اتزوجها على سنة الله ورسووله... انصدم بوناصر وقال له ياولدي انت ماتنرد وانت خيرة عيالنا كلهم ولو هي ذبيحة ما عشّتك.. بس بناتي صعب .. اعطيك منهم لان زوجتك بنت خالتهم وشينه .. بيجي بخاطر الحريم امهاتهم.. وانا مابي اكون سبب بقيطعة رحم..وفهد مصــّر قال له ياعمي لو تعزني وتعز ابوي قلان(جد فهد) لاتردني.. قال له طيب بسالها واذا عيت ماقدر اجبرهاا قال فهد طيب.. وراح لريم وسالها ابوها وهي ميته من الخوف وقالت يبه اسفه لويخلصون الرجاجيل ماتزوج فهد واصير ضرة لبنت خالتي.. هالشي الوحيد اللي رادني من فهد والا هو ماينرد..وجا بوناصر وعلم فهد .. هنا مــــات قــهـــر فهد.. وشوي بينفجر وبيبكي من القهر والبركان اللي بصدره.. قال له طيب اسمع يابوناصر... العلم فيه والخبر فيه ترى : كيت كيت كيت... وانا ابيها ع سنة ربي ورسوووله..
الابو انصدم وطاح وجهه وماينلاااام وعيونه حمرت من الفشيلة والقهر.. وقال له فهد يابوناصر.. علي الحرااااااام والطلاق اللي يطلق زوجتي مني ماتمد يدينك على ريم ولاتقول لها اي كلمة ومابيها تدري.. قال طيب... ودخل داخل والشرر بعيوونه ودمعته بعينه من القهر.. وعلم اخوها العود كان بغرفته وقال لولده ياويلك لو درى فهد انك داري.. مايبي حد يدري.. غيري انا يا ابووها... (( ابوها ليه علم اخوها يبيه يبرد خاطره بضربهاا)) ودخل اخووها وضربهااا لين طاب خاطر الشيبه ماخلاه يطول كشرت خاطره بنته.. واخوها قالها علي الحرام ماتعرفين من الرجاجيل الا فهد... قام اخوها راح وجاب الشيخ وملك عليهااا فهد ونووووورة خبر خير ...!!! وقال لها ابوووها واخوها تطلعين معه الحين وبعبااايتج ... اخذها فهد وراح لبيته وخلاها بالسياره ونزل واخذ ملابسه واخذ جوازه ونورة تشووفه وتساله وين رايح...؟؟
قال لهاااا اسمعي يابنت النااااس انا ماني ب راعي بنات ولا مغازل حتى جوالي ماعليه رقم سري وانتي داريه ولاعندي هالخرابيط وانتي اللي بيدج خربتي بيتج .. انا تزوجت اللي انتي دزيتيها تكلمني...!! وخلي لقااافتج تنفعج الحين... وطلع سافروا مكه وعطاها 60000 مهرهاا ..تقول لي بنت عمه انه ما دخل عليها الا عقب ماجهزت نفسهاااااا بروحها بجده اول ماراحوا جده اتصل ع خواته وجاو عندها وجهزوها وسافروا فرنسااا شهر ويوم رجعوا سوو لها اهلهاا حفله كبيرة طبعا عشان الناااس...
ونورة من رااح الين رجع وهي على الفراااش ورجع لهاااا وماقصر معااااهاااا وكان عااادل بينهم الثنتين بس خسروا بعض.. تقول لي بنت عمه انهم يكرهون بعض كره المووووت الحين...
لهم 4 سنين نورة عندها ولدين وبنتين.. وريم 3 عيال
بصــــــــــــــــراحـــــــــه كانت بنعمــــــــــــة وطيرت نعمتها بيدينها وبغباااااااااااءها.. ولقافتهاا..
صدق من قال وجنت على نفسها براقش!!
على فكرة فهد شمالي شرقــي ..
ونورة جنوبية شرقيه..
هذي رساااله للي تبنش ورى زوجهااااا والشكاكه واللي تدز على زوجها حد يمشي معاه.. وربي ان فيه حريم واجد اعرفهم كذا عقولهم قواطي صلصة..الله المستعان ...
ليست هناك تعليقات:
إرسال تعليق